Um félagið

Vertu velkominn á vefsíðu Félags Íslenskra Námsmann í Stokkhólmi. Það er von okkar að hér verði hægt að nálgast allar helstu upplýsingar fyrir þá sem hafa áhuga á að sækja nám í Stokkhólmi

Í framhaldi af því að safnað var upplýsingum um námsmenn hérna á Stokkhólmssvæðinu ákváð undirbúningsnefnd fjögurra námsmanna að stofna Félag íslenskra námsmanna í Stokkhólmi sem er félag okkar sem erum í námi hér til lengri eða skemmri tíma.

Tilgangur félagsins er þríþættur:

• Að auka samheldni og félagslíf íslenskra námsmanna á Stokkhólmssvæðinu og vera málsvari þeirra ef á þarf að halda.
• Að vera vettvangur allra þeirra hagnýtu upplýsinga sem verðandi námsmenn og í raun flestir sem flytja til Stokkhólms þurfa á að halda.
• Að vekja jákvæða athygli á Svíþjóð og Stokkhólmi sem valkosti í námi þegar við á.

Fyrstu skrefin í starfi félagsins var söfnun þeirra hagnýtu upplýsinga sem verðandi og núverandi námsmenn þurfa á að halda í námi og lífi sínu hér. Þetta fólst í ritun pistla um hin ýmsu málefni sem birtir eru hér á vefsíðu félagsins.

Félag íslenskra námsmanna í Stokkhólmi var síðan stofnað fimmtudaginn 7. desember 2006 við hátíðlega athöfn í sendiherrabústað sendiherra Íslands í Svíþjóð, herra Guðmundar Árna Stefánssona.

Á fundinum voru drög að lögum félagsins samþykkt og kosið í stjórn. Stjórnin er skipuð þeim Einari Eiðssyni formanni, Völu Rún Gísladóttur gjaldkera, Steinari Wang ritara og Dagnýju Benediktsdóttur upplýsingastjóra. Einnig var Emil Sigursveinsson kosinn í embætti varamanns og Gunnar Benediktsson í embætti skoðunarmanns ársreikninga.

Formleg stofnun félagsins og opnun vefsíðunnar fór fram þann 7. desember og hér fyrir neðan gefur að líta fyrstu stjórn félagsins ásamt sendiherra Íslands í Svíþjóð.